Qazaqstannyń avıatsııalyq qaýipsizdik deńgeıi joǵarylady - komıtet
ASTANA. QazAqparat - Qazaqstan Halyqaralyq azamattyq avıatsııa uıymynyń (IKAO) avıatsııalyq qaýipsizdik boıynsha aýdıtinen tabysty ótti, dep habarlaıdy QazAqparat.
Qazaqstan avıatsııalyq qaýipsizdik salasynda halyqaralyq standarttarǵa sáıkestiginiń joǵarǵy deńgeıde ekenin dáleldedi.
«QR IDM Azamattyq avıatsııa komıtetiniń IKAO talaptaryna sáıkestigi resmı túrde 83%-dy qurady, bul 2009 jylǵy kórsetkishpen salystyrǵanda (62%) 21%-ǵa joǵarylaǵan. Qazaqstannyń jańa kórsetkishi ortasha álemdik deńgeıden (72%) 11%-ǵa asyp tur», - delingen vedomstvonyń Facebook-tegi resmı paraqshasynda. https://www.facebook.com/profile.php?id=100018811424169
IKAO aýdıti - memlekettiń azamattyq avıatsııa salasynyń qaýipsizdik júıesin baǵalaýda obektıvti quraldardyń biri.
2009 jyly júrgizilgen aýdıt kezinde 299 másele qaralǵan bolatyn. Bul avıatsııalyq qaýipsizdik máseleleri boıynsha IKAO talaptarynyń kúsheıtilgenin kórsetedi.
«Memleketterdiń IKAO tekserisinen ótýi qıyndap turǵan tusta, halyqaralyq sarapshylardyń tarapynan Qazaqstannyń joǵary baǵa alýy - mańyzdy sanalady. 2017 jylǵy aýdıt qorytyndysy boıynsha avıatsııalyq qaýipsizdik deńgeıi boıynsha Qazaqstan álemdegi ozyq elder qatarynan oryn aldy»,- delingen habarlamada.
