Qazaqstannyń aýyr atletteri álemdik jarystarǵa qaıta oraldy
ASTANA. QazAqparat - Qazaqstan aýyr atletteri álemdik jarystarǵa qaıta oraldy, dep habarlaıdy QazAqparat tilshisi.
QR Ulttyq olımpıadalyq komıtetiniń habarlaýynsha, Halyqaralyq aýyr atletıka federatsııasynyń atqarýshy komıteti Qazaqstan aýyr atletıka federatsııasyn bir jylǵa jarystardan shettetken bolatyn. Ótken aptada jaza merzimi aıaqtaldy.
Dopıng daýyna ilingen aýyr atletıkadan Qazaqstan qurama komandasy AQSh-ta ótken álem chempıonaty men ózge de halyqaralyq týrnırlerge qatysqan joq.
Ótken juma kúni, 19 qazanda Qazaqstan aýyr atletıka federatsııasynyń jaza merzimi aıaqtaldy.
Bir jylǵa sozylǵan úzilisten keıin qazaqstandyq ziltemirshiler Ashhabadta ótetin lıtsenzııalyq álem chempıonatyna qatyspaq.
Álemdik doda 1-10 qarasha aralyǵynda ótedi.
