Qazaqstannyń Aýyr atletıka federatsııasy, UOK jáne Mádenıet jáne sport mınıstrligi atletterge quqyǵyn qorǵaýǵa kómektesedi

ASTANA. QazAqparat - Qazaqstannyń Aýyr atletıka federatsııasy Halyqaralyq aýyr atletıka federatsııasynyń Londondaǵy Olımpıada oıyndary jeńimpazdarynyń dopıng-synamalarynyń ekinshi saraptamasynyń nátıjesin jarııalaýyna qatysty málimdeme jasady.

Buryn habarlanǵandaı, Halyqaralyq aýyr atletıka federatsııasynyń habarlamasyna sáıkes, qazaqstandyq aýyr atletter Ilıa Ilın, Maııa Maneza, Svetlana Podobedova men Zúlfııa Chınshanlo sporttyq qyzmetinen ýaqytsha shettetildi.  Londondyq Olımpıada kezinde alynǵan dopıng-synamalardy qaıta saraptaý kezinde tyıym salynǵan zattardyń bolǵany anyqtaldy.

Búkilálemdik dopıngke qarsy agenttik Kodeksiniń 2.1 babyna sáıkes sportshy óziniń aǵzasyna túsetin ár zat úshin jaýap beredi. 13 bapqa sáıkes sportshy oǵan qatysty qabyldanǵan ár sheshimge shaǵymdana alady.

Qazaqstannyń Aýyr atletıka federatsııasy QR Ulttyq Olımpıada komıteti jáne QR Mádenıet jáne sport mınıstrligimen birlesip atletterge ózderiniń zańdy quqyqtaryn qorǵaýlary úshin tıisti quqyqtyq qoldaý kórsetedi.

QR Aýyr atletıka federatsııasy BAQ arqyly barlyq kezeńniń qorytyndysyn habarlaıdy.