Qazaqstannyń aýyl sharýashylyǵynda sıyr basynyń ósýi 14,6 paıyzdy qurady

júzege asyrylýda. І jartyjyldyqtyń qorytyndysy boıynsha aýyl sharýashylyǵynda iri qara maldyń ósimi 14,6 paıyzdy qurady, dep habarlady pm.kz saıty.

QR AShM aqparatyna qaraǵanda, 2012 jyldyń І jartyjyldyǵynda Qazaqstannyń aýyl sharýashylyǵy qurylymdary men sharýa qojalyqtarynda iri qara maldyń ósimi - 14,6, jylqy -  17,2, túıe - 8,9, qus - 6,5 paıyzǵa óskeni baıqalǵan. Bul et óndirisin 10,7, sút óndirisin 13,5, jún qyrqýdy  5,5 paıyzǵa arttyrýǵa múmkindik berdi. Sonymen qatar, jylqy basy  5, qoı men eshki - 1, túıe 2,8 jáne qus 2,5 paıyzǵa artqan.
Aıta ketý kerek, AÓK sýbektilerine urǵashy iri qara mal men asyl tuqymdy buqalardy satyp alýǵa nesıe berýdi qarastyratyn  «Sybaǵa»  baǵdarlamasy boıynsha, qańtar-maýsym aılarynda 39 myńnan astam urǵashy mal men 2,205 asyl tuqymdy buqa satyp alynǵan.
«Búgingi kúni aýyl sharýashylyǵy qurylymdary mal basyn ósirý úshin 6,204 iri qara mal ákeldi. Shetelden barlyǵy 12 myń taza asyl tuqymdy mal ákelinbekshi», - delingen vedomstvo habarlamasynda.
Jalpy, sıyrdyń  angýs tuqymynan- 3 585 bas, sımmental tuqymynan - 1 366 bas, gerefordtan - 1 090 bas, lımýzın - 89 bas, obrak - 72 bas, shvıtskaıa - 2 bas mal satyp alynǵan. Barlyq satyp alynǵan maldyń 41,2%  - AQSh-tan,  17%- Kanadadan, 13,6% -  Chehııadan, 9,1% - Avstrııadan, 6,4% - Irlandııadan,  6,3% - Reseıden, 3,7% - Danııadan,  1,3% - Ýkraınadan,  1,2% - Frantsııadan,  0,2% - Avstralııadan ákelingen.
Budan basqa, bir mezgilde 20 myń bas mal ustaýǵa arnalǵan jemdeý alańdarynyń jelisi qurylýda.  2015 jylǵa deıin 150 myń oryndyq alańdar jelisin qurý josparlanýda. Bastamashylardyń óz qarajattary esebinen 5,3 myń oryndyq alańdar jelisi qurylatyn bolady.

Ústimizdegi jyldyń І jartysynda iri qara maldyń sanaǵy aıaqtaldy, endi ýaq maldyń, jylqy men túıeniń, shoshqanyń sanaǵy júrgizilýde. Jyl basynan beri oblystyq mańyzy bar 195 mal dárigerlik uıymdary, aýyldyq jáne kenttik okrýgterdegi 2 449 mal dárigerlik pýnktter qurylýda.