Qazaqstannyń aýyl sharýashylyǵy sapaly damý josparyna muqtaj - A.Evnıev
dep atap ótti Úkimet otyrysynda qabyldanǵan «Agrobıznes-2020» baǵdarlamasyna pikir bildirgen AÓK Qazaqstandyq iskerlik keńesiniń tóraǵasy Arman Evnıev. Bul týraly QR Prezıdenti janyndaǵy Ortalyq kommýnıkatsııalar ortalyǵynan málim etti.
«El ekonomıkasy tolyǵymen qamtylǵan ıntegratsııalyq úrdis jaǵdaıynda otanymyzdyń aýyl sharýashylyǵy, sóz joq qýatty qoldaý men bolashaqqa sapaly damý josparyna muqtajbolady», - dep atap ótti Arman Evnıev.
AÓK Qazaqstandyq iskerlik keńesiniń tóraǵasy búgin Úkimet otyrysynda baǵdarlamany bekitkennen keıin, Premer-Mınıstr bir aı ishinde AÓK ár salasyn naqty damytýdyń master- josparyn ázirleýdi tapsyrǵanyn aıtty.
«Aýyl sharýashylyǵy mınıstrliginiń basshylyǵy qatarynan Baǵdarlamanyń ár ındıkatorynyń deńgeıi, merzimi men sapasy úshin jaýap beretin naqty adamdar belgilenetin bolady. Jalpy, meniń oıymsha, saýatty jospar bar, endi sony sapaly júzege asyrý qajet», - dedi Arman Evnıev.
Onyń pikirinshe, ár óńir «Agrobıznes - 2020» baǵdarlamasyn egjeı-tegjeıli oqyp-úırenip, ony ózderiniń naqty óńirlerine beıimdep qoldanýy (ekstrapolıratsııa) kerek.
«Bul iste aldyńǵy qatarly jobalyq menedjment pen josparlaý quraldaryna ıe AÓK Qazaqstandyq iskerlik keńesi óz tarapynan barlyq oblystarǵa kómektesýge ázir. Biz jergilikti atqarý organdaryna, «Agrobıznes - 2020» baǵdarlamasyn Qazaqstannyń barlyq óńirlerinde júzege asyratyn kompanııalarǵa qýana kómek beremiz, - dep qorytyndylady ol.
