Qazaqstannyń aýmaǵynda jel kúsheıip, keı jerlerde qarly burqasyn, kóktaıǵaq bolady dep kútilýde - 23 qańtarǵa arnalǵan aýa raıy boljamy
ASTANA. 22 qańtar. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, erteń Qazaqstannyń basym bóligi frontaldi aǵymdardyń yqpalynda bolady,
soǵan baılanysty aýa raıy turaqsyz bolady dep kútilýde, keı jerlerde qar jaýyp, jel kúsheıip, tuman túsip, kóktaıǵaq bolady.
Respýblıkanyń ońtústiginde, ońtústik-shyǵysynda jaýyn-shashyn jaýady.
Shyǵys Qazaqstan oblysynda keı jerlerde qarly burqasyn bolady, 15-20 m/s jyldamdyqpen jel soǵady, Jarma aýdanynda jeldiń ekpini 28 m/s-qa deıin jetedi.
Almaty oblysynda keı jerlerde tuman túsip, kóktaıǵaq bolady, 17-20 m/s jyldamdyqpen jel soǵady.
Qaraǵandy oblysynda keı jerlerde qarly burqasyn bolady, tuman túsip, kóktaıǵaq bolady, 17-22 m/s jyldamdyqpen jel soǵady.
Pavlodar, Aqmola, Soltústik Qazaqstan oblystarynda qarly burqasyn bolady, 15-20 m/s jyldamdyqpen jel soǵady, keı jerlerde jeldiń ekpini 25 m/s-qa deıin jetedi.
Jambyl, Ońtústik Qazaqstan, Qyzylorda oblystarynda tuman túsedi, kóktaıǵaq bolyp, 15-20 m/s jyldamdyqpen jel soǵady, Ońtústik Qazaqstan oblysynda keı jerlerde azdaǵan borasyn bolady.
Mańǵystaý, Atyraý, Batys Qazaqstan oblystarynyń jekelegen jerlerinde tuman túsedi, Atyraý oblysynda kóktaıǵaq bolady.
Aqtóbe, Qostanaı oblysynda keı jerlerde qarly burqasyn bolyp, tuman túsedi, 15-20 m/s jyldamdyqpen jel soǵady.
