Qazaqstannyń aýqymdy bóligi jaýyn-shashyn týǵyzatyn kúshti tsıklon áserinde bolady - Qazgıdromet
ANA. 7 aqpan. QazAqparat - Qazaqstannyń aýqymdy bóligi jaýyn-shashyn týǵyzatyn, negizinen qar, boran men batys baǵytyndaǵy qýatty jeldiń týyndaýyna sebepshi kúshti tsıklon áserinde bolady, dep habarlady «Qazgıdromet» RMK baspasóz qyzmeti.
Jambyl oblysynyń keı jerlerinde 17-22 m/s jyldamdyqpen, kúndiz 26-31m/s jyldamdyqpen soǵatyn jel turady jáne tuman túsip, kóktaıǵaq bolady dep kútilýde. Soltústik Qazaqstan, Aqmola, Qaraǵandy, Pavlodar oblystarynda boran bolyp, keı jerlerde burqasyndatyp, 17-22 m/s jyldamdyqpen soǵatyn, keı jerlerde 28 m/s deıin kúsheıetin jel turady. Qostanaı oblysynda túnde qatty boran soǵyp, túnde jáne kúndiz 15-20 m/s jyldamdyqpen soǵatyn jel turyp, keı jerlerde jel qýaty 25 m/s deıin kúsheıedi. Aqtóbe oblysynyń aýqymdy bóliginde boran bolyp, 15-20 m/s (kúndiz, túnde) jyldamdyqpen soǵatyn jel turady. Almaty oblysynda - túnde tuman, jel jyldamdyǵy - 15-20 m/s, Jalańashkól aımaǵynda - 20-25m/s.
Ońtústik Qazaqstan oblysynda tuman saqtalyp, kóktaıǵaq bolady, jel jyldamdyǵy - 15-20 m/s, jel ekpini keı jerlerde 23 m/s deıin barady. Qyzylorda, Mańǵystaý, Atyraý oblystarynda keı jerlerde boran, kóktaıǵaq bolyp, jel jyldamdyǵy 17-22 m/s bolady dep kútilýde. Shyǵys Qazaqstan oblysynda - kúndiz boran, jel jyldamdyǵy 18-23 m/s.
Aldaǵy táýlikterde Ońtústik Qazaqstan men Jambyl oblystarynda sý deńgeıiniń kóterilý yqtımaldyǵy basym. Syrdarııa ózeninde (Qyzylorda oblysynyń ońtústiginde) muz qabatynyń birtindep juqarýy kútilýde, sý deńgeıiniń kóterilýi yqtımal. Almaty oblysy ózenderiniń kóbinde muz qabatyndaǵy qubylystarǵa baılanysty sý deńgeıiniń aýytqýy múmkin. Respýblıkanyń soltústik aımaǵyndaǵy ózenderde (Jaıyq, Esil, Nura, Ertis) qysqy qalypty jaǵdaı saqtalady.
