Qazaqstannyń áýejaılarynda PTR test ótkizetin pýnkt nege ashylmaıdy – Sádýaqasovtyń jaýaby

NUR-SULTAN. QazAqparat – PTR test anyqtamasy joq shetel azamattarynyń VAK sheshimi boıynsha Qazaqstanǵa kire almaı, deportatsııalanatyny belgili. Al endeshe nelikten Qazaqstannyń áýejaılarynda PTR test ótkizetin pýnktter ashylmaıdy? Bul suraqqa Kóliktegi bas memlekettik sanıtarlyq dáriger Sádýaqas Baıǵabylov jaýap berdi, dep habarlaıdy QazAqparat tilshisi.

«Eger Qazaqstanǵa ushyp kelgen shetel azamatynan koronavırýs anyqtalǵan jaǵdaıda: birinshiden sheteldik 6-8 saǵat bola alatyndaı áýejaıda arnaıy oryn joq. Tıisinshe ol Qazaqstan arqyly basqa memleketke ushýdy oılaýy múmkin. Al eger odan Qazaqstanǵa ushyp kelgen ýaqytta koronavırýs anyqtalsa ony mindetti túrde aýrýhanaǵa jatqyzý kerek. Tıisinshe munyń arty kóp suraqty týyndatyp jiberedi. Odan da shetel azamatyna PTR testiniń teris nátıjesimen kelip, osyndaǵy barlyq máselesin sheship, qaıta ushyp ketkeni abzal», - dedi Sádýaqas Baıǵabylov OKQ-da ótken baspasóz máslıhatynda.

Eske sala ketsek búgin QR Úkimetiniń baspasóz qyzmeti vedomstvoaralyq komıssııanyń áýe kompanııalaryna PTR testi nátıjesi týraly anyqtamasy joq jolaýshylardy ushaqqa otyrǵyzýǵa tyıym salý týraly sheshimin túsindirgen bolatyn. Bul talap tek sheteldik azamattarǵa qatysty. Shetelde júrgen QR azamattarynyń áýe reısterimen PTR testileýden ótkeni týraly anyqtamasynsyz otanyna oralýǵa quqyǵy bar. Mundaı jaǵdaıda Qazaqstanǵa kelgennen keıin qazaqstandyqtar PTR testileý nátıjesin alǵanǵa deıin karantınge ornalastyrylatyn bolady. QR óńirleri arasyndaǵy ishki áýe reısteriniń ushaǵyna otyrǵyzý kezinde PTR test nátıjesi týraly anyqtama talap etilmeıdi.