Qazaqstannyń áýe kúshterine eki jańa Sý-30SM ushaǵy qosyldy

ASTANA. QazAqparat - Qazaqstan Respýblıkasynyń Áskerı-áýe kúshteri eki jańa Sý-30SM joǵary manevrly joıǵysh ushaǵymen tolyqty, dep habarlaıdy «QazAqparat» HAA tilshisi QR Qorǵanys jáne aeroǵarysh ónerkásibi mınıstrligine silteme jasap.

Sý-30SM - eki oryndy, kópmaqsatty aýyr joıǵysh ushaq. Ol uzaq qashyqtyqqa ushyp, áýede shaıqasa alady, jerdegi nysanalarǵa shabýyldaıdy, sondaı-aq basqa da ushaqtardy da basqarý múmkindigine ıe. Uzaq qashyqtyqtarǵa ushý úshin áýede janarmaı quıý qondyrǵysy bar. Budan tys Sý-30SM qazirgi zamanǵy radıolokatsııalyq qurylǵylarmen jabdyqtalǵan.
 

Ushaqtardy Qazaqstan Respýblıkasynyń memlekettik qorǵanys tapsyrysymen Reseıdiń «Irkýt» Ǵylymı-óndiristik korporatsııasy» shyǵarǵan. Buryn 2016-2018 jyldary Qazaqstanǵa Sý-30SM joıǵyshtaryn jetkizý týraly kelisimshartqa qol qoıylǵan bolatyn. Ushaqtar Reseıdiń ishki baǵalary boıynsha jetkizilip jatyr.