Qazaqstannyń Áýe qorǵanysy kúshterine 400 sarbaz qabyldandy (FOTO)

ASTANA. QazAqparat - Búgin 44803, 20709 jáne 44841 áskerı bólimderinde merzimdi áskerı qyzmetke shaqyrylǵan 400 jas áskerı qyzmetshi saltanatty túrde áskerı ant qabyldady. Bul týraly QR Qorǵanys mınıstrliginiń baspasóz qyzmetinen habarlady.

Vedomstvonyń atap ótýinshe, Qazaqstan Respýblıkasy Qarýly Kúshteriniń qataryna qabyldanǵan jas sarbazdar Otan aldyndaǵy qyzmetin adal atqarýǵa, elimizdi shetel áýe shabýylynan qorǵaý úshin qasıetti áskerı boryshyn oryndaýǵa ant berdi. Áskerı ant qabyldanǵannan keıin sarbaz aldynda armııanyń naǵyz áskerı qyzmeti bastalmaq. Olar tıisti laýazymdarǵa taǵaıyndalady.

44841 áskerı bólimi Áýe qorǵanysy kúshterine tikeleı baǵynysty bólim, al 44803 jáne 20709 áskerı bólimder QR QK ÁQK Áýe shabýylyna qarsy qorǵanys áskerleriniń quramyna qaraıdy. Sondyqtan merzimdi qyzmetin óteýge kelgen jas sarbazdardy áskerı istiń, saptyq jáne dene daıarlyǵynyń negizin zerdeleýge ǵana emes, sonymen qatar bul jerde ÁShQQ áskerleriniń qarý-jaraǵymen, áskerı tehnıkasymen jumys jasaýǵa, áýe shabýylyna qarsy qorǵanys áskerleriniń áskeri retinde maqsattary men jaýyngerlik mindetteriniń erekshelikterin tereńdete úıretedi.

«Jyl saıyn Qarýly Kúshterde áskerge shaqyrý kontıngentiniń sapasy artyp kele jatqanyn aıta ketken jón. Búgin armııa qataryna oılaý qabileti damyǵan, moraldyq turǵyda berik, densaýlyq jaǵdaıy boıynsha júz paıyz áskerı qyzmetke jaramdy jastar keledi. «Kúz-2015» naýqanynda áskerge shaqyrylǵan jastardyń 30 paıyzy joǵary bilimdi, al qalǵan 70 paıyzynyń arnaýly orta bilimi bar», - delinen mınıstrlik aqparatynda.