Qazaqstannyń Ata zańy memlekettilik qaǵıdattarynyń negizin qoǵamdyq kelisim men saıası turaqtylyq dep tanıdy - E. Toǵjan
Esterińizge sala keteıik, Astana qalasy ákimdigi men Qazaqstan halqy Assambleıasy birlesip uıymdastyrǵan jıynǵa parlament depýtattary, memlekettik organ ókilderi, belgili qoǵam qaıratkerleri qatysty.
«Qazaqstan tarıhynda 1995 jylǵy Konstıtýtsııany qabyldaý jáne Qazaqstan halqy Assambleıasyn qurý máńgi baqı bir-birimen tyǵyz baılanysty oqıǵalar bolyp qala beredi. Este bolsaq, dál osy Assambleıanyń eń birinshi sessııasynda Prezıdent N. Nazarbaev 1995 jylǵy jańa Konstıtýtsııany qabyldaý týraly másele kótergen bolatyn», dedi E. Toǵjan. Sonymen qatar, 1995 jyly qabyldanǵan Ata zań elimizdiń saıası júıesine túpkilikti ózgerister ınnovatsııasyn ákelgenin jetkizgen E. Toǵjan, bul rette bılik tarmaqtarynyń bóliný júıesi jaqsara túskendigin atap ótti. «Qazirgi Ata zań tıimdi qos palataly Parlamentti bekitti, zań, atqarý jáne sot bıligi arasyndaǵy teńgerimdilikti qamtamasyz etti. Jalpy, Konstıtýtsııanyń 98 babynyń 11-i ultaralyq qatynastardy retteý normalaryn qamtyp otyr», - dedi E. Toǵjan.