Qazaqstannyń astyqty óńirlerinde kóktemgi egis jumystary bastaldy - A. Mamytbekov
ASTANA. 15 mamyr. QazAqparat - Elimizdiń astyq egetin negizgi óńirlerinde jappaı kóktemgi egistik jumystary bastaldy.
Bul týraly búgin selektorlyq rejimdegi Úkimet otyrysynda QR Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýynsha, sonymen qatar egis jumystaryna shyǵys jáne batys óńirleri de kirisip otyr. Atap aıtqanda, 15 mamyrdaǵy jaǵdaı boıynsha astyqty-masaqty tuqymdastar 1 mln. 306 myń gektarǵa egildi. Bul 10 paıyzǵa jýyq kórsetkishti qamtyp otyr. Budan bólek, júgeri egistikteri 63 paıyzyna, maıly daqyldar 1 mln. 825 myń gektar josparlanǵan kóleminiń 735 myń gektaryna (40 paıyzy), kókónis jáne baqsha daqyldary josparlanǵan egisterdiń 65 paıyzyna egildi. Al qant qyzylshasy men maqtanyń sáıkesinshe, 85 jáne 87 paıyz aýmaqtaǵy egistikterindegi jumystary aıaqtaldy.
A. Mamytbekov bıylǵy kóktemniń aýa-raıynyń erekshelikterine baılanysty egis jumystary erte bastalǵanyn aıtyp ótti.
