Qazaqstannyń astyq eksportynyń áleýeti belgili boldy

ASTANA. QazAqparat - Bıyl Qazaqstan 2,2 mln tonna astyqty eksportqa shyǵarýdy josparlap otyr. Bul týraly búgin Úkimet úıindegi baspasóz máslıhatynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Jyl saıyn eksportqa shyǵarylatyn astyqtyń áleýetti kólemi 8-9 mıllıon tonnany quraıdy. Aǵymdaǵy jyly (marketıng jyly - avt.) biz 5,8 mln tonna eksportqa shyǵardyq jáne aldaǵy ýaqytta taǵy 2,2 mln tonna astyq eksporttaýdy josparlap otyrmyz»,- dedi ol.

Mınıstrdiń dereginshe, ótken jyly barlyq astyq tuqymdarynyń 11,7 mln tonnasyn eksportqa shyǵarylǵan.

«Onyń 4,9 mln tonnasy bıdaı, al qalǵandaryn arpa jáne basqa da daqyldar quraıdy», - dedi S.Omarov.