Qazaqstannyń astyq eksporty áleýeti 7,5 mln. tonnany quraıdy
ASTANA. QazAqparat - Qazaqstannyń astyq eksporty áleýeti 7,5 mln. tonnany quraıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Premer-Mınıstriniń birinshi orynbasary Baqytjan Saǵyntaev málim etti.
«Aýyl sharýashylyǵy óndirý kóleminiń ósimi 4,4 paıyzdy qurady. Ol ósimdik sharýashylyǵy ónimderi óndirisi kóleminiń 5,6, al mal sharýashyǵy ónimderi ósiminiń 3,2 paıyzǵa artýy esebinen qamtamasyz etildi. Alǵashqy salmaqta shamamen 27 mln. tonna astyq bastyryldy. Bul 2014 jylmen salystyrǵanda 3,4 mln. tonnaǵa artyq. Eksporttyq áleýet 7,5 mln. tonnany quraıdy», - dedi B.Saǵyntaev.
B.Saǵyntaevtyń atap ótýinshe, ónerkásip óndiristerin qoldaý jónindegi naqty sharalardy der ýaqytynda qabyldaýdyń arqasynda óndiris kólemi tómendegen joq. Degenmen, ónerkásip óndirisi 1,6 paıyzǵa, taý-ken óndirisi 2,5 paıyzǵa tómendegen. Munaı óndirý kólemi 1,7, kómir - 5, temir keni 22 paıyzǵa tómendegen.
«Bul Qytaı tarabynan suranystyń tómendeýine baılanysy jaıt. Biraq, Qazaqstannyń óńdeý ónerkásibinde 0,2 paıyz deńgeıindegi ósim qarqyny baıqalady. Tústi mettalýrgııa ónimderin shyǵarý 23,6, al qara metallýrgııa 0,9 paıyzǵa ósti», - dedi Úkimet basshysynyń birinshi orynbasary.
