Qazaqstannyń áskerıleri ShYU elderiniń birlesken jattyǵýyna qatysýda

ASTANA. QazAqparat - Qytaıdaǵy Korla qalasy oqý-jattyǵý bazasynyń sport kesheninde Shanhaı yntymaqtastyq uıymy sheńberinde áskerı qyzmetshilerdiń birlesken taýly-atqysh jattyǵýy ótýde. Oǵan Qazaqstan, QHR, Qyrǵyz Respýblıkasy jáne Reseı Federatsııasy Qarýly kúshteriniń bólimsheleri qatysýda.

QR Qorǵanys mınıstrliginiń baspasóz qyzmetiniń habarlaýynsha, Qazaqstan namysyn 28 adamnan quralǵan áskerı qyzmetshiler qorǵaýda. Birlesken jattyǵýǵa qatysýshylar oqý-jattyǵý bazasynyń ınfraqurylymymen tanysyp úlgerdi jáne bólimsheler quramynda qarýmen 5 000 metrge júgirdi.

Odan keıin áskerı qyzmetshiler tolyq jaýyngerlik jaraqtandyrýda 100 metr qashyqtyqtaǵy qorshaýdy buzyp ótý boıynsha kórsetpeli ádistemelik sabaqqa qatysty.

Budan ózge, birlesken jattyǵý baǵdarlamasy oq atýsyz qarýdy qoldanýdyń taktıkalyq negizderin, oq atýdy bastaýsyz úsh núktedegi qarýdyń úsh túrin, sonymen qatar, áskerı qyzmetshilerdiń taýly-atqysh daıyndyǵyn jetildirýge baǵyttalǵan birqatar praktıkalyq sabaqtardy qamtıdy.