Qazaqstannyń áskerıleri Reseı polıgonyndaǵy jıynǵa qatysty
«Jıynǵa Qazaqstan, Reseı, Qyrǵyzstan jáne Tájikstannyń qorǵanys vedomstvo ókilderi qatysty. Ortalyq áskerı okrýg pen UQShU Birikken shtabynyń ókilderi barlyq qatysýshylarǵa dáris ótkizdi. Ekinshi kezeńde tórt eldiń Qarýly Kúshteriniń áskerı qyzmetshileri birlesken shtabtyq jattyqtyrý barysynda jıyn taqyryby boıynsha suraqtar keshenin pysyqtady. Jedel jıyndy tıimdi ótkizý úshin basshylyq, sondaı-aq, qolbasshylyq pen Orta-Azııalyq óńirdiń jyldam óristetý ujymdyq kúshteriniń shtaby quryldy. Onyń quramyna árbir qatysýshy eldiń ókilderi kirdi»,-dep atap ótilgen QR Qorǵanys mınıstrligi baspasóz qyzmetiniń málimetinde.
Aıta keteıik, Orta-Azııalyq óńirdiń ujymdyq jyldam óristetý kúshteri 2001 jyly ujymdyq qaýipsizdiktiń Orta-Azııalyq óńiri UQShU múshe memleketterdiń áskerı qaýipsizdigin qamtamasyz etý boıynsha tapsyrmalardy oryndaý, sonyń ishinde, syrtqy áskerı basqynshylyqty toıtarý men lańkestikke qarsy operatsııalardy ótkizýge qatysý úshin quryldy. Bul jyldar ishinde retke keltirilgen birlesken júıeli jumys jáne tıimdi ózara is-qımyl qalyptasty. Sonyń arqasynda OAÓ UJDK óńirdegi beıbitshilik pen qaýipsizdiktiń kepiline aınaldy.
