Qazaqstannyń áskerıleri BUU-nyń bitimgershilik kýrsyn oqýda
QR Qorǵanys mınıstrliginiń baspasóz qyzmetiniń habarlaýynsha, kýrstyń negizgi maqsaty - BUU aıasynda beıbitshilikti ustap turý jónindegi bitimgershilik operatsııalarǵa qatysý úshin Qarýly kúshterdiń áskerı jáne azamattyq personalynyń jan-jaqty shtabtyq daıarlyǵy.
Atalmysh kýrs bitimgershilik operatsııaǵa qatysar aldynda áskerı qyzmetshini daıyndaýdyń qajetti quramdasy bolyp tabylady.
Bul kýrstyń sabaqtary eki kezeńde teorııalyq jáne praktıkalyq turǵyda tek aǵylshyn tilinde júrgiziletindigimen erekshelenedi. Oqytý aıaqtalǵannan keıin tyńdaýshylar BUU mıssııasynyń quramynda kópultty shtabtarda qyzmet ótkerý kezinde tapsyrmalardy sátti oryndaý úshin qajetti teorııalyq bilim men praktıkalyq mashyqtyń qajetti deńgeıin meńgeredi.
Bitimgershilik mıssııalarǵa qatysqan ofıtserler oqytý barysynda áskerı qyzmetshilermen tikeleı is júzinde jınaqtaǵan tájirıbelerimen bólisedi.
Halyqaralyq standarttar boıynsha ortalyq - Ortalyq Azııadaǵy «Beıbitshilik úshin seriktestik» birden-bir oqý-jattyǵý ortalyǵy. Ortalyqtyń bazasynda bizdiń nusqaýshylar 80-nen asa halyqaralyq is-sharany ótkizdi. 1 200-den asa adam til daıyndyǵy boıynsha oqyp-úırendi. Odan basqa, Aýǵanstan, Grýzııa, Týnıs jáne ózge de elderdiń 120-dan asa sheteldik ókili.
