Qazaqstannyń áskerı ushqyshtary Reseıdegi baıqaýda ekinshi oryn aldy

RıAZANЬ. QazAqparat - Reseıde ótken «Avıadarts – 2019» baıqaýynda Qazaqstan komandasy ekinshi oryndy jeńip aldy. El namysyn Taldyqorǵandaǵy 21751 áskerı bóliminiń ushqyshtary qorǵady, dep habarlaıdy QazAqparat.

Qazaqstannyń Reseıdegi Elshiliginiń resmı saıtynda málim etilgendeı, joıǵysh ushaqtar arasyndaǵy synǵa túsken áýe qyrandarynyń bilimi men mashyǵy 3 kezeń boıynsha baǵalandy. Alǵashqysynda ekıpaj músheleriniń fızıkalyq daıyndyǵy saralandy. ıAǵnı, mamandar kermege tartylyp, sýda júzgen. Budan keıin baıqaýǵa qatysýshylardy arnaıy dóńgelekte aınaldyryp, shydamdylyǵy tekserilgen.

Ekinshi kezeńde áýe kemesimen kókke kóterilip, jerdegi nysandy izdetken. Sońǵy synda qos ushaq qosarlasa ushyp, zeńgir kókte túrli jattyǵýlardy oryndady. Sondaı-aq nysanany kózdep atý boıynsha óz sheberlikterin kórsetti.

«34 memleket ókili qatysqan baıraqty básekede ushqyshtar byltyrǵy nátıjesin qaıtalady. Áýe qorǵanysy kúshteriniń áleýetin pash etken sańlaqtar búgin SÝ 30 SM ushaǵymen Taldyqorǵanǵa keldi. Olardy basshylyq quram quttyqtap, óz rızashylyǵyn bildirdi», - delingen aqparatta.

«Bul ushqyshtardyń ǵana emes, búkil Qarýly Kúshterdiń jeke quramynyń jeńisi. Óıtkeni, Avıadartsqa daıyndalý kezinde barlyǵy qatysty. Barlyǵy daıyndaldy. Osy oıyn arqyly búkil qatysqan elderge Qarýly Kúshterdiń kúshin, mártebesin dáleldedik dep oılaımyn», - dedi 21751 áskerı bóliminiń aǵa ushqyshy Nurjan Nurbaev.

«Avıadarts – 2019» baıqaýynda birinshi oryndy – Reseı, ekinshi oryndy Belarýs komandasy jeńip aldy.