Qazaqstannyń áskerı teńiz kúshteriniń korablderi saıysqa barý úshin Kaspıı teńizin kesip ótedi

ASTANA. QazAqparat - Qazaqstan Áskerı-teńiz kúshteriniń «Oral» jáne «Saryarqa» zymyran-artıllerııalyq korablderi Kaspıı teńiziniń reseılik sý aıdyndaryna jóneltildi.

QR Qorǵanys mınıstrliginiń baspasóz qyzmetiniń habarlaýynsha, 1 tamyzdan bastap osy jaýyngerlik korablderdiń ekıpajdary Armııa halyqaralyq oıyndary-2016 sheńberinde «Teńiz kýbogy» saıysyna qatysady.

QR QK Áskerı-teńiz kúshteri bas qolbasshysynyń basqarmasynda atap ótkendeı, teńiz bıatlonyna bizdiń komandalardy daıyndaý teńizge árkez shyǵý kezinde aldyńǵy úsh baıqaý kezeńderiniń árqaısysy úshin jeke-jeke ótti. Saıysqa ekıpajdar tolyq ázirlikte jáne joǵary jaýyngerlik rýhta jóneltildi.

Teńiz bıatlonynyń baǵdarlamasy Qazaqstan, Reseı, Qytaı jáne Ázirbaıjannyń áskerı teńizshilerine úsh kezeń daıyndaýda. Birinshisi - teńiz jáne áýe nysanalary, júzbeli mına boıynsha oq atý. Ekinshi kezeń - jaǵalyq trenajerlyq keshende sýdyń aǵynymen ómirsheńdik úshin kúresý. Úshinshi - teńiz mashyǵy men qutqarý daıyndyǵy. Saıystyń bul kezeńinde ekıpajdar shekteýli jyldamdyqpen apattyq kemeniń súıretilýin, korabldiń zákirge jáne berilgen baǵdarmen kemeniń artqy jaǵyndaǵy bóshkeniń qoıylýyn júrgizedi.

Teńiz bıatlonyna áskerı teńizshilerimiz ekinshi márte attanǵaly otyrǵanyn aıta ketken jón. Byltyrǵy jyly Qazaqstan Áskerı-teńiz kúshteriniń komandasy baıqaýǵa alǵash ret qatysýda laıyqty óner kórsetip, ekinshi oryndy ıelendi. Kúmis medaldar jıyntyǵy men «BL-680» jyldam júretin qaıyqtyń ıegeri atandy.