Qazaqstannyń áskerı-teńiz kúshterine 23 jyl toldy (FOTO)

ASTANA. QazAqparat - 1993 jyly 2 sáýirde El Prezıdenti N. Nazarbaev «QR QK Áskerı-teńiz kúshin qurý týraly» jarlyqqa qol qoıdy. Sodan beri kóp nárse ózgerdi: qazaqstandyq flotta otandyq óndiristegi jańa zymyran-artıllerııalyq keme paıda boldy. ÁTK-d áskerı qyzmetshiler sany ulǵaıdy, olardy oqytý, jaýyngerlik daıyndaý sapasy artty, dep habarlady QR Qorǵanys mınıstrliginiń baspasóz qyzmeti.

«ÁTK alǵashqy qalypasýy 1993-1996 jyldar boldy. Keıinnen ÁTK barlyq bólimderin UQK shekara qyzmetiniń júıesine berý týraly sheshim qabyldandy. ÁTK aýqymynda mindetterdi oryndaý úshin jaǵalaý qyzmeti jetkilikti sanaldy. Ýaqyt óte kele 2003 jylǵy 7 mamyrda ÁTK QR Qarýly Kúshteri túriniń mártebesin alý  týraly sheshim shyǵaryldy. Sondyqtan da únemi aıtyp júremin, ÁTK-niń eki týǵan kúni bar: 1993 jylǵy 2 sáýir jáne 2003 jylǵy 7 mamyr dep», - dedi QR QK ÁTK bas qolbasshysy kontr-admıral Jandarbek Janzaqov.

Qyzmettiń joǵary kórsetkishteriniń biri 2014 jáne 2015 jyly ÁTK QR QK túrleriniń arasynda birinshi oryndy ıelenip, jaýyngerlik daıyndyq deńgeıine kóterildi.

Eger alǵashqy jyldary Qazaqstannyń áskerı teńizshileri teńizde jylyna 10-20 táýlik júrse, qazir 150-160 táýlik júredi. Maman daıyndaý deńgeıi joǵarylady, mamandardy RF, Túrkııa, Germanııa, Qytaı, Ońtústik Koreıaǵa oqýǵa jiberemiz. Qazaqstanda Aqtaý jáne Oral qalalaryndaǵy ýnıversıtetterde áskerı kafedralar jáne ÁTK oqý ortalyǵy bar. Onda kelisimshart qyzmetiniń áskerı qyzmetshileri daıyndyqtan ótedi.

Qazirgi ýaqytta ÁTK jaraǵynda zamanaýı zymyran-artıllerııalyq kemeler, shaǵyn kúzet kemesi jáne kater bar. Keleshekte jańa «Alataý» mına-traldyq kemesin alýdy josparlaýdamyz, ony paıdalanýǵa engizý qazaqstandyq áskerı teńiz kúshiniń qaýipsizdigin arttyrýǵa yqpal etetin bolady.