Qazaqstannyń Áskerı-teńiz kúshterinde alǵash ret komandırlik jáshik synamadan ótti (FOTO)
Ony áskerı teńizshiler starshınalar men serjanttar, jaǵalyq jáne tehnıkalyq bólimshelerge arnalǵan komandırlik daıarlyq boıynsha jıyn barysynda qoldandy. Komandırlik jáshik atys qarýy men granataatqyshtardan oq-dárilerdi shyǵyndamaı oq atýǵa úıretý úshin arnalǵan. Ol jáshikke salynǵan oqý aspaptary men kerek-jaraqtardyń jıyntyǵynan turady jáne oqý synyptarynda, atys oryndary men atys qalashyqtarynda ornatylady. Komandırlik jáshikpen jumys jasaýdan basqa, jıynda starshınalar men serjanttar komandırlerdiń nemese baǵynystylardyń rólinde kúndelikti tynys-tirshiliktiń keıbir tustaryn kórsetetinin aıta ketken jón.
Máselen, baǵynystylar arasynda daý-damaıdyń týyndaýy kezindegi bólimshe komandıriniń is-áreketi. Oqytýshymen bolǵan jaǵdaıǵa tap bola otyryp, áskerı qyzmetshi sheshim qabyldap, oǵan túsinikteme beredi. Starshınalar men serjanttar, jaǵalyq jáne tehnıkalyq bólimshelerge arnalǵan komandırlik daıarlyq boıynsha jıyndar Áskerı-teńiz bazasynyń starshınasy 2-synypty starshına Tanatqan Amanovtyń basshylyq etýimen 29011 áskerı bóliminde ótedi. Sabaqtarǵa bólimshege komandırleri men vzvod komandırleri tartylady.
QR QK ÁTK-niń starshınasy shtab-starshına Aıdáýlet Urdabaevtyń aıtýynsha, mundaı sabaqtar kúndelikti qyzmetti uıymdastyrý, baǵynysty jeke quramdy basqarý máselelerinde starshınalyq quramnyń bilimi men daǵdysyn arttyrady. Jıynnyń arqasynda starshınalyq (serjanttar) quramynyń ádistemelik jáne jaýyngerlik mashyǵyn, teńizshilerdiń áskerı, tehnıkalyq jáne arnaıy bilimdi ıgerý deńgeılerin arttyrý josparlanýda.
