Qazaqstannyń áskerı kemeleri Kaspıı teńizinde oqý-jattyǵý ótkizdi

ASTANA. QazAqparat - Kaspıı teńizinde Qazaqstannyń áskerı jáne shekaralyq kemeleri áýe shabýylyna qarsy tótep berý boıynsha oqý-jattyǵý ótkizdi, dep habarlaıdy QazAqparat tilshisi tumba.kz aqparat kózine silteme jasap.

Jedel-taktıkalyq oqý-jattyǵý aıasynda QR Áskerı-teńiz kúshteriniń soǵys kemeleriniń dıvızıondary Qazaqstan Respýblıkasynyń UQK Shekaralyq qyzmetiniń Jaǵalaý kúzetiniń katerleri men kemeleriniń dıvızıondary birlese áreket etti. Olar kemeler men áýe shabýylyna qarsy áskerı mindetterdi oryndaı otyryp, qarsylas áskerdiń áýe shabýylyna tótep berý ádis-amaldaryn iske asyrdy. Áýe shabýylyna qarsy róldi Qazaqstan Respýblıkasy Qorǵanys mınıstrliginiń eki tikushaǵy atqardy.

«Kemeler men katerlerdi biriktirýge arnalǵan praktıkalyq oqý-jattyǵýdy júrgizý barysynda shartty qarsylas retinde Qazaqstan Respýblıkasy Qorǵanys mınıstrliginiń avıatsııalyq bazasynyń eki tikushaǵy áýege kóterildi. Jattyǵý barysynda áskerıler men shekarashylardyń aldyna qoıylǵan tapsyrma oryndaldy. Kemeler men katerlerdiń tehnıkalyq quraldary men qarýlary kemshiliksiz jumys istep tur. Oqý-jattyǵý sátti ótkizildi», - dedi 21814 áskerı bóliminiń ártekti kemeleri dıvızıonynyń komandıri, 3 dárejeli kapıtan Baýyrjan Muratuly.