Qazaqstannyń Áskerı doktrınasyna birqatar ózgeris engizilmek

NUR-SULTAN. QazAqparat – Jyl sońyna deıin Qazaqstan Respýblıkasynyń Áskerı doktrınasyna ózgerister engizilmek, dep habarlaıdy QazAqparat Qorǵanys mınıstrligine silteme jasap.

«Qorǵanys mınıstrligi «Qazaqstan Respýblıkasynyń Áskerı doktrınasyn bekitý týraly» Qazaqstan Respýblıkasy Prezıdentiniń 2017 jylǵy 29 qyrkúıektegi № 554 Jarlyǵyna ózgeris engizý týraly» Prezıdent Jarlyǵynyń jobasyn ázirledi. Memleket basshysynyń tapsyrmasy boıynsha múddeli memlekettik organdarmen birlesip, negizgi qujatty jańa bolmysqa beıimdeýge baǵyttalǵan qoldanystaǵy Áskerı doktrınany qaıta qaraýdy júzege asyra bastady. Qujatqa ózgerister engizýdi osy jyldyń sońyna deıin aıaqtaý josparlanyp otyr», - delingen vedomstvo málimdemesinde.

Jarlyq jobasynyń tolyq mátini ashyq normatıvtik quqyqtyq aktiler portalynda jarııalanǵan.