Qazaqstannyń áskerı baspasóziniń negizin qalaýshy basylym aıqyndaldy - QR QM (FOTO)
Qazaqstandyq áskerı baspasózdi zerdeleý boıynsha júrgizilgen zertteý «Sarbaz» áskerı-patrıottyq gazetin «Jaýyngerlik tý» jáne «Qyzyl ásker» gazetteriniń izin basýshy dep esepteýge múmkindik beredi.
«1992 jyldyń 16 jeltoqsanynda Almatyda QR Qorǵanys mınıstrliginiń ortalyq organy retinde «Qazaqstan sarbazy» gazetiniń alǵashqy nómiri qazaq jáne orys tilinde jaryqqa shyqty. Resmı qujattarda Almatyda 1969 jyldan bastap shyǵa bastaǵan «Jaýyngerlik tý» gazetiniń bazasynda qurylǵan dep kórsetildi. «Jaýyngerlik tý» «Qazaqstan sarbazy» gazetiniń izashary, bastaýshysy boldy. Al Qazaqstandy aýmaqtyq turǵyda qamtyǵan áskerı basylymdar budan buryn shyǵyp júrgen. «1929 jyldan beri shyǵyp júrgen «Qsl ásker» («Qyzyl ásker») qazaqı áskerı gazetke nazar aýdarǵan anaǵurlym qısyndy bolar», - degen pikir bildirdi ál-Farabı atyndaǵy Qazaq ulttyq ýnıversıtetiniń dotsenti, fılologııa ǵylymdarynyń kandıdaty Aleksandr Rojkov.
Bul gazet áskerı komıssarıattardyń jumysy, respýblıkadaǵy OSOAVIAHIM-niń qyzmeti, áskerı ónerdi zerdeleý, Qazaqstannyń jáne t.b. áskerı bólimderindegi qyzmet týraly jazatyn.
«Sarbaz» jáne «Qyzyl ásker» gazetteriniń kontent-taldaýyn jasap, biz taqyryptyń uqsastyǵyn, balamaly áskerı, patrıottyq problema men ásirese, tildik aspektini, qazaq tilindegi basylymyn atap ótýdemiz. «Qyzyl ásker» gazeti Qazaqstan áskerı baspasynyń irgesin qalaýshy bolyp tabylǵanyn nyq senimmen aıta alamyz», - dedi ol.
«Sarbaz» gazetiniń 90 jyldyq tarıhy bar ekeni jóninde ǵalymdardyń da oıy bir jerden shyqty jáne ony «Jaýyngerlik tý» jáne «Qyzyl ásker» gazetteriniń izin basýshy retinde bekitýge, QR Qarýly Kúshteriniń Áskerı-tarıhı murajaıynda qazaqstandyq áskerı jýrnalıstıka týraly mamandandyrylǵan stend qurýǵa ýaǵdalasty.
Sondaı-aq áskerı jýrnalısterdi daıyndaýda «Baýyrjantaný» jáne «Áskerı-patrıottyq tárbıe berý» sekildi pánderdi qosý máselesin pysyqtaý jáne L.Gýmılev atyndaǵy EUÝ áskerı kafedrasy men QR Qorǵanys mınıstrliginiń bazasynda joǵary oqý oryndarynyń stýdentterine arnalǵan jazǵy «Áskerı dıskýrs» semınary men mamandandyrylǵan kýrstardy ótkizý máselesi qarastyrylatyn boldy, dep habarlaıdy QR QM baspasóz qyzmeti.
