Qazaqstannyń ásker áleýeti boıynsha reıtıngi jaqsardy

ASTANA. QazAqparat - Qazaqstan áskerı kúsh-qýat boıynsha álemdik reıtıngte pozıtsııasyn jaqsartty, dep habarlaıdy QazAqparat GFP-ge silteme jasap.

Ótken jyly elimiz 55-shi orynda bolsa, bıyl 50-shi orynǵa kóterilip, Ázerbaıjan (53-oryn), Danııa (54-oryn) Fınlıandııa (59-oryn), Aýstrııa (61-oryn), BAÁ (65-oryn) jáne Iordanııa (76-oryn) syndy memleketterdi artqa tastady.

Bıylǵy jyldyń reıtınginde Qazaqstan Sırııa (49-oryn) jáne Efıopııamen (51-oryn) bir qatarda tur.

Aıta keteıik, AQSh ótken jylǵydaı reıtıngte kósh bastap tur. Ekinshi orynǵa - Reseı, úshinshi orynǵa Qytaı ornalasqan.

Áskerı áleýeti myqty derjavalardyń ondyǵyna, sondaı-aq Úndistan (4-oryn), Frantsııa (5-oryn), Ulybrıtanııa (6-oryn), Ońtústik Koreıa (7-oryn), Japonııa (8-oryn), Túrkııa (9-oryn) jáne Germanııa (10-oryn) syndy elder endi.

Reıtıngke barlyǵy 136 memleket engen. Bıyl oǵan Irlandııa, Chernogorııa jáne Lıberııa qosyldy.

Reıtıngte áskerdiń kúsh-qýatyn eseptegende 55 faktor eskerilgen. Biraq memleketterdiń ıadrolyq qýaty, qazirgi ekonomıkalyq ahýaly, saıası jáne áskerı kóshbasshylyǵy eskerilmeıdi.