Qazaqstannyń Arnaıy Olımpıada quramasy elge zor jetistikpen oralmaq
ASTANA. QazAqparat - Qazaqstannyń 28 sportshydan turatyn Arnaıy Qurama qurama komandasy 14-25 naýryz aralyǵynda Avstrııada ótken Búkilálemdik Qysqy Arnaıy Olımpıada oıyndaryna qatysty, dep habarlaıdy QazAqparat.
Sport álemindegi jáne gýmanıtarlyq saladaǵy eń iri oqıǵalardyń biri - 2017 jyldyń 18 naýryzy kúni resmı túrde ashyldy. Atalmysh sharanyń ashylý rásimine álemniń 107 memleketinen 1000 bapker men 2700 sportshy qatysty. Arnaıy Olımpıada oıyndarynyń ashylý rásimi Shladmınge qalasyndaǵy Planaı stadıonynda ótti. Bul qysqy sport túrleri boıynsha turaqty túrde Álem kýboktary ótip turatyn oryn. Sonymen qatar munda 2013 jyly FIS Alpine Ski World jarysy ótken bolatyn.
Búkilálemdik oıyndar sporttyń 9 túri boıynsha ótti. Olar: florobol, edendegi hokkeı, mánerlep syrǵanaý, short-trek, konkımen syrǵanaý, taý shańǵysy, snoýbord, shańǵymen júgirý jáne t.b. Jarystar Grats, Shladmıng jáne Ramzaý qalalarynda ótti. Jarystardyń barlyǵy tegin jáne qoǵamdastyq ókilderi úshin ashyq boldy.
Qazaqstandyq sportshylar Special Olympics jarysynda shańǵy sportynan tómendegideı jetistikterge qol jetkizdi:
Rýstam Zarıpov 1 altyn, 1 kúmis, Rýslan Boranbaeva 1 altyn, 1 kúmis, Antonına Rogova 1 altyn men 4-shi oryn, Oksana Boreıvıch 4 oryn. Olardyń barlyǵy da Astana qalasynyń «Qamqor» áleýmettik qyzmet kórsetý ortalyǵynyń oqýshylary.
Snoýbordshylar Stanıslav Ostrovskıı, Olga Balashova, Sergeı Barashkov, Marııa Iglıkova-Galchınko barlyǵy da 4-shi oryn aldy.
Short-trek boıynsha Andreı Kosıhın 4-shi oryn aldy.
Sabyr Qazybaev atyndaǵy balalar úıiniń tárbıelenýshileri jalpaq taban shańǵymen júrýde tómendegideı jetistikterge qol jetkizdi. Alekseı Alımbarov - 2 altyn, Borıs Astahov -1 altyn, 4 jáne 7 oryn, Aısha Ábisheva 1 altyn, 1 qola, Aıda Baısmaqova 1 altyn, 1 kúmis, 8-shi oryn.
Búgin Qazaqstannyń «Speshıal Olımpıks» quramasy saǵat 23-55-te KLM 405 reısimen Almatyǵa ushyp keledi. Olardyń nátıjeleri óte keremet dese bolady. Qorjyndarynda 7 altyn, 7 kúmis, 4 qola medal bar.
«Nur Otan» partııasy, QR Bala quqyqtary jónindegi ýákil men Respýbıýlıkalyq «Asyl bala» qaýymdastyǵy atalǵan jobany qoldaǵandyǵyn jáne olar jeńimpazdardy búgin Almaty áýejaıynda qarsy alatyndyǵyn atap ótken jón.
