Qazaqstannyń arqasynda beıbitshilik pen kelisimge arnalǵan jalǵyz jahandyq is-shara ótip keledi - Iosıf Kobzon
ASTANA. 17 qazan. QazAqparat - Qazaqstannyń arqasynda beıbitshilik pen kelisimge arnalǵan jalǵyz jahandyq is-shara ótip keledi. Bul pikirdi búgin Búkilálemdik rýhanı kelisim forýmy Tóralqasynyń otyrysy aıasynda uıymdastyrylǵan baspasóz máslıhatynda KSRO Halyq ártisi Iosıf Kobzon bildirdi.
«Erteń konferentsııa barysynda óz oılarymyzdy ortaǵa salatyn bolamyz. Meniń oıymsha, árbir baıandamadan paıdaly keńester estımiz. Olar rýhanı mádenıet arqyly beıbitshilikti nasıhattaý jumysynda kádege jaraıdy dep senemin. Meniń Qazaqstan Prezıdenti Nursultan Ábishuly Nazarbaevqa osyndaı múmkinshilik jasaǵany úshin alǵysym sheksiz», - dedi ol.
Bul rette adamzat ıgiligi materıaldyq múmkinshiliktermen baılanysty emestigin basa aıtqan KSRO Halyq ártisi: «Barlyq másele ulttardy, halyqtardy, elderdi bir-birine jaqyndatýda», - dedi.
