Qazaqstannyń ardagerlik jáne áskerı-patrıottyq birlestikteri Elbasynyń prezıdenttik ókilettiligin 2020 jylǵa deıin uzartýdy qoldaıdy
ALMATY. 29 jeltoqsan. QazAqparat /Erbol Azanbek/ - Qazaqstannyń ardagerlik jáne áskerı-patrıottyq birlestikteri Elbasy N.Nazarbaevtyń prezıdenttik ókilettigin 2020 jylǵy 6 jeltoqsanǵa deıin uzartý jónindegi yntaly toptyń bastamasyn qoldaıdy.
Bul týraly búgin Almatydaǵy «Nur Otan» HDP fılıalynda ótken partııa janyndaǵy ardagerlik jáne áskerı-patrıottyq birlestikteri Qoǵamdyq keńesiniń kezekten tys otyrysy barysynda aıtyldy.
Partııa músheleri, memlekettik jáne saıası qaıratkerler, Uly Otan soǵysy men jaýynger-ınternatsıonalısteriniń ardagerler qoǵamdyq uıymdarynyń basshylary, Chernobyl AES apatyn joıýdyń qatysýshylary qatysqan otyrys barysynda N.Nazarbaevtyń prezıdentik ókilettiligin uzartýǵa biraýyzdan qoldaý bildirildi.
Esterińizge sala keteıik, 2010 jylǵy jeltoqsan aıynyń 22-23 kúnderi Astana qalasynda Qazaqstannyń ardagerlik jáne áskerı-patrıottyq birlestikteriniń Respýblıkalyq forýmy ótip, onda «Nur Otan» HDP janynan atalǵan keńes qurylǵan bolatyn. Keńestiń qyzmeti azamattardyń boıynda patrıotızm, óz eliniń mádenıetin, tarıhyn, dástúrin qurmetteýdi qalyptastyryp, jastar men óskeleń urpaqty Otanyn súıý jáne ony qorǵaýǵa tárbıeleý maqsatynda «Nur Otan» Halyqtyq demokratııalyq partııasy men ardagerlerdiń qoǵamdyq uıymdaryn biriktirip, nyǵaıtýǵa, sondaı-aq Uly Otan soǵysynyń, Aýǵan soǵysy jáne jergilikti janjaldardyń qatysýshylary Chernobyl AES apatyn joıýdyń qatysýshylarynyń memlekettik qoldaý deńgeıin kóterýge baǵyttalǵan.
