Qazaqstannyń Ardagerler keńesi: Áleýmettik mańyzdy máseleler boıynsha qoǵammen ashyq dıalog mańyzdy

ASTANA. QazAqparat - Qazaqstannyń Ardagerler keńesi QR Prezıdenti Nursultan Nazarbaevtyń Úkimetke qoǵamdyq ınstıtýttarmen birlesip jer qatynastary salasyndaǵy zańnama normalaryn taldaýdy tapsyrǵanyn tolyqtaı qoldaıdy.

«Memleket basshysynyń sheshimin qýana qabyldadyq. Qoǵam ómiriniń barlyq salalarynda mańyzdy ınstıtýtsıonaldyq ózgeristerdi odan ári tıimdi iske asyrýǵa baǵyttalǵan barlyq qabyldanǵan sheshimderdi tolyqtaı qoldaımyz.

Ásirese, Elbasynyń memlekettik organdardyń áleýmettik mańyzdy másele jóninde qoǵammen ashyq ta syndarly dıalog qurý boıynsha sheshiminiń mańyzdylyǵyn atap ótken jón.

Osyǵan baılanysty Prezıdent Úkimetke qoǵamdyq ınstıtýttarmen birlesip, jer qatynastary salasyndaǵy zańnama normalaryn taldap, Parlamentke naqty usynys engizýdi tapsyrdy.

Biz Nursultan Nazarbaevtyń sheshimi qoǵam turaqtylyǵy men birlikti odan ári naǵaıta túsetinine senimdimiz», - delingen Ardagerler keńesiniń pikirinde.