Qazaqstannyń árbir óńirinde 10 úzdik kolledj bolady - Prezıdent
Memleket basshysy ár oblysta bir ýnıversıtetti bilim berý sapasy jaǵynan úzdik dárejege jetkizýdi tapsyrdy. Sonymen qatar, óńirlerde úzdik zamanaýı tehnologııalarmen qamtamasyz etilgen 10 kolledj qurý qajettigi aıtyldy. ıAǵnı, bul sharalar 100/200 qaǵıdasy arqyly iske asyrylady. Jańartylǵan oqý baǵdarlamasyna, bilikti oqytýshylyq quramyna nazar aýdarylady. Osy jumystarǵa qajetti qarjy bólinip, mamandardy oqytý boıynsha qazirgi zamanǵy jabdyqtar satyp alynady.
Prezıdenttiń sózine qaraǵanda, atalǵan bilim berý ortalyqtarynda jastardyń ınnovatsııalyq jobalaryn qoldaý úshin startap-ortalyqtar iske qosylady.
«Nátıjesinde, 3 jylda 200 myńnan astam mamandy jańa standarttarmen daıarlaı alamyz, sondaı-aq 15 myńnan oqytýshynyń biliktiligin arttyramyz», - dedi Nursultan Nazarbaev.
Budan buryn habarlanǵandaı, Jastar jylynyń ashylýyna arnalǵan saltanatty jıynda Elbasy Astana, Almaty jáne Shymkent qalalarynda jastar úshin jylyna 1 myń páter salynatynyn aıtty.
Eske sala ketsek, QR Prezıdenti Nursultan Nazarbaev Qazaqstan halqyna bıylǵy Joldaýynda 2019 jyldy Jastar jyly dep jarııalaýdy usynǵan bolatyn.
Osy oraıda Qazaqstanda Jastar jylynyń logotıpi bekitildi.
