Qazaqstannyń árbir ekinshi ıdeıasy shetelde iske asyp jatady
ASTANA. 9 tamyz. QazAqparat - Shetelde qazaqstandyq ǵalymdardyń árbir ekinshi ǵylymı jumysy kózge túsedi. Búgin Lev Gýmılev atyndaǵy Eýrazııa ulttyq ýnıversıtetinde
Qazaqstannyń sheteldegi stýdenttik uıymdarynyń II sletinde QR Bilim jáne ǵylym vıtse-mınıstri Murat Orynhanov osylaı málim etti.
Onyń aıtýynsha, ótken jyldyń ózinde qazaqstandyq ǵalymdardyń 1405 maqalasy Tomson, Skopýs jáne Saıns sııaqty álemge áıgili ǵylymı bazalarǵa endi. Oǵan barlyq ǵylymı basylymdar silteme jasaıdy. «Bul kórsetkish 2010 jylmen salystyrǵanda, eki ese artyq. Ol kezde 795 maqala engen. Al aǵymdaǵy jyldyń birinshi jartyjyldyǵy boıynsha qazaqstandyq ǵalymdardyń 968 maqalasy jarııalandy. Osy oraıda erekshe atap óter jáıt, ol maqalalardyń 45 paıyzyna sheteldik ǵalymdar silteme jasap otyrady. Bul degenimiz, halyqaralyq ǵylymı jýrnaldarǵa shyqqan árbir ekinshi maqala shetelde kózge túsken. Ondaǵy ıdeıa baǵalandy, qolǵa alyndy, paıdaǵa jaratyldy deýge bolady. Bunyń ózi Qazaqstandaǵy ǵylymnyń damý dárejesin kórsetse kerek», - deıdi M.Orynhanov.
