Qazaqstannyń antıdopıngtik zerthanasy 200 mln. teńgege jańa jabdyq satyp alýdy josparlaýda

ASTANA. QazAqparat - Qazaqstannyń antıdopıngtik zerthanasy sportshylardyń boıynan tyıym salynǵan preparattardy anyqtaý maqsatynda 200 mln. teńgege jańa jabdyq satyp alýdy josparlaýda.

Bul týraly búgin QR Mádenıet jáne sport mınıstrligi sport jáne dene shynyqtyrý isteri komıtetiniń basshysy Elsııar Qanaǵatov málim etti.

«Qazaqstandaǵy dopıng-zerthana Reseıdegi zerthana ýaqytsha jabylǵannan keıin TMD elderinde jalǵyz ǵana ortalyqqa aınaldy. Sondyqtan atalmysh zerthanany jabdyqtaý máselesi óte ózekti. Sheteldegi zerthanalardyń barlyǵy jańartylǵan. Osy saýaldy biz talqyladyq, endi zerthanaǵa qajetti jabdyqtardy satyp alýǵa qarjy bólý jónindegi sheshim qaralýda. Qarjylyq tusy sheshildi. Endi jabdyqty satyp alý jáne ony jetkizý máselesimen aınalysýdamyz», - deıdi E.Qanaǵatov.