Qazaqstannyń ánshileri men sportshylary elorda ataýynyń ózgerýine qoldaý bildirdi

ASTANA. QazAqparat - Qazaqstannyń tanymal ánshileri men sportshylary elordaǵa Elbasynyń esimin berý sheshimine qoldaý bildirip jatyr. Osy oraıda birqatar pikirdi kópshilik nazaryna usynýdy jón kórdik, dep habarlaıdy QazAqparat tilshisi.

«Men QR Prezıdenti Qasym-Jomart Toqaevtyń Elordany, respýblıkanyń basty kóshelerin Elbasynyń atymen ataý usynysyn tolyqtaı qoldaımyn. Nursultan Ábishulynyń elge sińirgen eńbegi zor. Ol mundaı qurmetke laıyq dep sanaımyn», - dep jazdy bylǵary qolǵap sheberi Ivan Dychko óziniń áleýmettik jelidegi paraqshasynda.

Boksshy Abylaıhan Júsipov Qazaqstannyń bokstan ulttyq qurama komanda múshesi retinde QR Prezıdenti Qasym-Jomart Toqaevtyń usynysyn qoldaıtynyn atap ótti.

«Elordany, respýblıkanyń basty kóshelerin Elbasynyń atymen ataý usynysyn tolyqtaı qoldaımyn. Nursultan Ábishulynyń elge sińirgen eńbegi zor. Ol mundaı qurmetke laıyq dep sanaımyn», - deıdi A. Júsipov.

Sonymen qatar Olımpıada chempıony ıÝrıı Melnıchenko da atalǵan bastamaǵa qatysty óziniń ıgi tilegin bildirdi.

«Elorda ataýyn ózgertýge qatysty tarıhı bastamaǵa ózimniń kózqarasymdy aıtqym keledi. Nursultan Nazarbaev Táýelsiz Qazaqstannyń damýyna orazan zor úlesin qosty. Onyń ishinde sport salasynyń órkendeýine úlken qoldaý jasap keldi. Elbasy basqarǵan kezeńde qazaqstandyq sportshylar eń mártebeli sporttyq dodalarda jeńiske jetip, ózderiniń jeńisterin Táýelsiz Qazaqstan men Nursultan Ábishulyna arnaǵanyna kýáger bolǵan edik. Osyǵan baılanysty Qazaqstannyń ózge sportshylarynyń tilekterine qosylyp, Astana ataýyn Nursultan qalasyna ózgertý bastamasyn qoldaımyn. Elordamyzdyń ary qaraı gúldene berýin tileımin!», - dedi ıÝ. Melnıchenko óziniń vıdeojoldaýynda.

Al tanymal ánshi Marjan Arapbaeva da óziniń Instagram-daǵy paraqshasynda jyly lebizin bildirgen.

«Baqytty zamanymyz úshin qurmetti Elbasy sizge rahmet!», - dep jazdy ánshi.