Qazaqstannyń altyn-valıýta rezervi 6,7 mlrd dollarǵa ulǵaıdy
«Altyn baǵasynyń ósýi nátıjesinde altyn portfeliniń bir jylda 4,7 mlrd AQSh dollaryna 23,6 mlrd AQSh dollaryna deıin ósýi esebinen altyn-valıýta rezervteri 2020 jylǵy 31 jeltoqsanda aldyn ala derekter boıynsha 6,7 mlrd AQSh dollaryna ulǵaıyp, 35,7 mlrd AQSh dollary boldy. Altyn-valıýta rezervteri quramyndaǵy erkin konvertatsııalanatyn valıýtadaǵy aktıvter Qarashyǵanaq Konsortsıýmynan ótemaqy aıasynda qarajat ákelinýi, Azııa Damý bankiniń qaryzy, sondaı-aq ekinshi deńgeıdegi bankter qarajatynyń Ulttyq banktegi valıýtalyq shottarǵa ákelinýi esebinen 2 mlrd AQSh dollaryna ósti», - dedi Erbolat Dosaev.
Onyń aıtýynsha, Ulttyq qordyń aktıvteri daǵdarysqa qarsy sharalardy iske asyrý aıasynda shyǵystardyń túsimderden asyp ketýine jáne munaı baǵasynyń quldyraýyna baılanysty bir jyl ishinde 3,1 mlrd AQSh dollaryna tómendep, 58,7 mlrd AQSh dollaryn qurady.
«Naryqtyń qubylmalylyǵyna qaramastan, Ulttyq qordyń ınvestıtsııalyq kirisi 2020 jyldyń qorytyndysy boıynsha oń bolyp qaldy jáne 4,1 mlrd AQSh dollaryn nemese 7,5paıyzdyi qurady»,- dedi ol.