Qazaqstannyń altyn-valıýta rezervi 35 mlrd dollardan asty
Aldyn ala derekter boıynsha altyn-valıýta rezervteri bir aıda 2,4 mlrd dollarǵa ulǵaıyp, shildeniń sońynda 35,3 mlrd dollarǵa jetti.
«Álemdik ekonomıkanyń atap aıtqanda, pandemııadan týyndaǵan belgisizdigi, sondaı-aq álsiz dollar aıasynda ótken aıda altynnyń baǵasy bir ýntsııa úshin 1771 dollardan 1975 dollarǵa deıin nemese 12%-ǵa ósti. Altyn portfeliniń ósýi 2,3 mlrd dollar boldy, bul 2012 jyldan beri alǵash ret 35 mlrd dollar belgisinen asyp túsken altyn-valıýta aktıvteri ósýiniń negizgi draıveri boldy»,– delingen habarlamada.
Banktiń habarlaýynsha, bul AQSh bıligi Sovid-19 pandemııasynyń taralý saldarymen kúreste ekonomıkany qoldaý boıynsha buryn-sońdy bolmaǵan sharalardy qabyldaǵannan keıin, ınvestorlar men naryqtyń basqa qatysýshylarynyń ıeligindegi AQSh dollaryndaǵy artyq ótimdiliktiń edáýir kólemi altyn baǵasynyń ósýine qoldaý kórsetetin qosymsha faktor boldy.
Bul rette, eger AQSh FRJ eldegi ekonomıkalyq belsendilikti qoldaý úshin qabyldanǵan sharalarmen shekteletin bolsa, sondaı-aq COVID-19 vırýsynyń jaǵdaıy turaqtanǵan jaǵdaıda altyn naryǵyndaǵy qubylmalylyq saqtalady.