Qazaqstannyń altyn valıýta rezervi 31,5 mlrd dollarǵa jetti
ALMATY. QazAqparat – Qazaqstannyń altyn valıýta rezervi 2017 jyldyń kúzinen bergi eń joǵarǵy kórsetkishke jetti. Bul týraly QR Ulttyq banki tóraǵasynyń orynbasary Álııa Moldabekova aıtty, dep habarlaıdy QazAqparat tilshisi.
«Altyn valıýta rezerviniń deńgeıi mamyrda $950 mln dollarǵa ósip, $31,5 mlrd dollar boldy. Bul erkin konvertırlenetin valıýtalar aktıvi óskendikten bolyp otyr. Sonymen qatar, Ulttyq banktegi ekinshi deńgeıli bankterdiń qarjysy artqan. Sondaı-aq, ulttyq qorǵa altyn rezervter josparly túrde satylǵan», -dedi ol.
Mamyrda Ulttyq bank Ulttyq qorǵa quny 250 mln dollar bolatyn affınırlengen altyn satqan.
Aıta ketý kerek, Ulttyq qordyń aktıvteri shamaly ǵana ózgergen. Mamyrdyń sońynda qordyń naryqtyq quny $58,48 mlrd bolǵan. Bul aıda Ulttyq qordan 650 mln teńge transfert bólingen.
«Ulttyq qordan shyqqan shyǵyn ınvestıtsııalyq tabyspen tolyq qaıta jabyldy. Ulttyq qordyń ınvestıtsııalyq tabysy 670 mln dollar boldy», - dedi Álııa Moldabekova.
