Qazaqstannyń altyn-valıýta qory 98 mlrd. dollardy qurady
ASTANA. QazAqparat - Ulttyq banktiń altyn-valıýta qory 1 shildede 28,89 mlrd. AQSh dollaryn qurady. Bul týraly OKQ baspasóz máslıhatynda QR Ulttyq bank tóraǵasy Qaırat Kelimbetov aıtty.
"Maýsym aıyndaǵy sońǵy derekter boıynsha Ulttyq Banktiń altyn-valıýta qory 28, 891 mlrd.AQSh dollaryn qurady. Ulttyq qordyń aktıvteri 69,028 mlrd. AQSh dollaryn qurady. Esterińizge sala keteıik, «Nurly jol» baǵdarlamasy aıasynda Ulttyq qordan qarjy bólingendigi sebepti, rezervter 1,3% kemigen edi.
Jalpy, halyqaralyq rezervter 97,919 mlrd. AQSh dollaryn qurady. Al onyń ishinde taza halyqaralyq rezervter buǵan deıingi eseppen salystyrǵanda 0,5% artyp, 28,104 mlrd.AQSh dollaryn qurady, al altyn aktıvteri 7,769 mlrd.AQSh dollaryna jetti", - dep atap ótti ol. Onyń aıtýynsha, maýsym aıynda ishki valıýta naryǵyndaǵy jaǵdaı boıynsha suranys pen usynys tepe-teń boldy.
