Qazaqstannyń altyn-valıýta qory 85,5 mlrd. AQSh dollaryna jetti
ASTANA. 23 qazan. QazAqparat - Qazaqstannyń altyn-valıýta qory 85,5 mlrd. AQSh dollaryna jetip, jyl basynan 12,5 mlrd. dollarǵa artty.
Bul týraly búgin elimizdiń aǵymdaǵy jylǵy 9 aıyndaǵy áleýmettik-ekonomıkalyq damý qorytyndylaryna arnalǵan Úkimet otyrysynda QR Ekonomıkalyq damý jáne saýda mınıstri Erbolat Dosaev málim etti.
«Álemdik ekonomıkadaǵy turaqsyzdyqqa qaramastan jyl basynan beri el ekonomıkasynda óń ósim saqtaldy», - dedi.
Sonymen qatar mınıstrdiń atap ótýine qaraǵanda, respýblıkadaǵy áleýmettik salada da jaıly ahýal qalyptasyp otyr. 9 aıdyń ishinde halyqtyń shynaıy tabysy 9,1, al shynaıy jalaqylary 11,1 paıyzǵa artty.
