Qazaqstannyń altyn valıýta qory 31,5 mlrd AQSh dollaryna jetti
«Ulttyq banktiń altynvalıýta rezervteri mamyrda 3,1%-ke nemese 950 mln AQSh dollaryna ulǵaıyp, 31,5 mlrd AQSh dollaryn qurady. Altyndy Ulttyq qorǵa 250 mln AQSh dollaryna satý jáne altyn baǵasynyń bir ýntsııa úshin 1 717-den 1 726 dollarǵa deıin ósýi esebinen altyn portfeli azdap 137 mln AQSh dollaryna azaıdy», - dedi Erbolat Dosaev Úkimet otyrysynda.
Sonymen qatar Ulttyq qordyń aktıvteri mamyrda ótken aıǵa qaraǵanda aıtarlyqtaı ózgermeı, 58,5 mlrd AQSh dollaryn quraǵan. Mamyrda Ulttyq qordan respýblıkalyq bıýdjetke kepildi transfert retinde shamamen 1,6 mlrd AQSh dollary balamasynda 650 mlrd teńge bólingen.
«2020 jyldyń mamyrynda Ulttyq qordan kepildi transfert bólý úshin 1,1 mlrd AQSh dollary somasyna valıýta satyldy. 384 mln AQSh dollary mólsherindegi shetel valıýtasynyń túsimi jáne mamyrdaǵy aktsııalar naryǵynyń ishinara qalpyna kelýi nátıjesinde alynǵan 670 mln AQSh dollary mólsherindegi ınvestıtsııalyq kiris Ulttyq qordan satylymdardyń ornyn toltyrdy. Halyqaralyq jalpy rezervter aǵymdaǵy bir aıdyń ishinde 1%-ke ulǵaıyp 90 mlrd AQSh dollaryn qurady», - dedi ol.