Qazaqstannyń altyn valıýta aktıvi 1,1 mlrd dollarǵa azaıdy

ALMATY. QazAqparat - QR Ulttyq banki tóraǵasynyń orynbasary Álııa Moldabekova syrtqy naryqtaǵy jaǵdaıdyń altyn valıýta aktıvine qalaı áser etkenin aıtty, dep habarlaıdy QazAqparat tilshisi.

Onyń aıtýynsha, aldyn ala baǵalaýǵa sáıkes, qarashada altyn valıýta aktıvteri $33,6 mlrd dollardan $32,5 mlrd dollarǵa deıin $1,1 mlrd dollarǵa tómendedi.

«Rezervter qysqarýynyń negizgi sebebi sońǵy 4 jylda altyn baǵasynyń bir ýntsııa úshin $1876 dollardan $1772 dollarǵa deıin nemese 5,5%-ǵa rekordtyq quldyraýy boldy. Vaktsınalardy ázirleýdegi jetistikter, sondaı-aq búkil álemdegi iskerlik belsendiliktiń qalpyna kelýi qorǵanysh aktıv retinde altynǵa suranystyń quldyraýyna ákeldi. AVR quramyndaǵy altyn portfeli qarashada $1,2 mlrd dollarǵa tómendedi»,– deıdi ol.

Degenmen, jeltoqsanda altynnyń baǵasy qalpyna kele bastap, búgingi kúni bir ýntsııa úshin $1870 dollar deńgeıine jetti.

Ósý sebepteriniń biri - AQSh-taǵy fıskaldyq yntalandyrýdyń jańa toptamasynyń qarsańynda dollar baǵamynyń álsireýi boldy.

Rezervtiń valıýtalyq bóligi ekinshi deńgeıli bankterdiń korrespondenttik shottarynyń ósýi esebinen $100 mln dollarǵa kóbeıdi.