Qazaqstannyń alty óńirinde burqasyn bolyp, qatty jel soǵady
ASTANA. QazAqparat - Qazaqstannyń alty óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
27-28 jeltoqsanda Aqtóbe oblysynyń keı jerlerinde burqasyn, kóktaıǵaq bolady, ońtústik-shyǵys jeliniń ekpini 15-20 m/s-ke jetedi. Aqtóbede 27 jeltoqsan túnde burqasyn bolady, ońtústik-shyǵystan soǵatyn jeldiń ekpini 15 m/s bolýy yqtımal.
27 jeltoqsanda Mańǵystaý oblysynyń keı jerlerinde kóktaıǵaq bolýy múmkin, jeldiń jyldamdyǵy 15-20 m/s-ke jetedi. Daýyl yqtımaldyǵy - 90-95%.
27-29 jeltoqsanda Qyzylorda oblysynyń keı jerlerine tuman túsip, jolda kóktaıǵaq bolady. Daýyl yqtımaldyǵy - 90-95%.
27 jeltoqsanda Qostanaı oblysynyń keı jerlerine tuman túsip, kúndiz boran bolady. Ońtústik-shyǵys jeliniń jyldamdyǵy 18 m/s bolýy yqtımal. Daýyl yqtımaldyǵy - 90-95%.
27 jeltoqsanda Batys Qazaqstan oblysyna jaýyn-shashyn jaýady. Keı jerlerge tuman túsip, burqasyn, kóktaıǵaq bolady. Ońtústik-shyǵys jeli 17-22 m/s-ke deıin jetedi. Oralda 27 jeltoqsanda jaýyn-shashyn jaýyp, tuman túsedi, burqasyn, kóktaıǵaq bolady jáne jyldamdyǵy 18 m/s bolatyn ońtústik-shyǵystan jel soǵady. Daýyl turý yqtımaldyǵy - 95-98%.
27 jeltoqsanda túnde Atyraý oblysynyń keı jerlerinde jel 15-20 m/s jyldamdyqpen uıytqıdy, 27-29 jeltoqsanda keı jerlerge tuman túsip, kóktaıǵaq bolady. 27-29 jeltoqsanda Atyraýǵa tuman túsip, kóktaıǵaq bolady. Daýyl yqtımaldyǵy - 85-90%.
