Qazaqstannyń alty azamaty Taılandta Denge bezgegin juqtyrǵan - Bas sanıtar
ASTANA. 5 tamyz. QazAqparat - Qazaqstannyń alty azamaty bıylǵy jyly Taılandtan Denge bezgegin juqtyryp kelgen.
Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıng barysynda QR Densaýlyq saqtaý mınıstrligi Memlekettik sanıtarlyq-epıdemıologııalyq baqylaý komıtetiniń tóraǵasy Jandarbek Bekshın osylaı málimdedi.
Bas sanıtar dárigerdiń aıtýyna qaraǵanda, Denge bezgegin juqtyrǵan alty qazaqstandyqtyń aǵymdaǵy jyly Taılandta bolǵandyǵy anyqtalyp otyr. Bezgekke shaldyqqan alty adam da Almaty qalasynyń turǵyndary. Olardyń tórteýindegi aýrý belgisin áýejaıdaǵy sanıtarlyq-epıdemıologııalyq baqylaý qyzmeti anyqtasa, ekeýi dárigerge barǵanda belgili bolǵan.
«Barlyq alty naýqas der kezinde oqshaýlandyrylyp, ýaqtyly em-dom qabyldap úlgerdi», - degen J. Bekshın jazǵy demalystyń qyzǵan ýaqytynda shetelde demalatyndardyń ózderi tańdaǵan eldegi sanıtarlyq jaǵdaıǵa basa mán berý kerektigin basa aıtty.
Eskerte ketetin jaıt, qazirgi tańda Taılandta osy syrqat túrlerimen aýyrǵandardyń sany 40 myńǵa jýyqtaǵan.
