Qazaqstannyń álemniń damyǵan 30 eliniń qataryna ený múmkindigi asa zor - Eýropa Parlamenti depýtaty
ASTANA. QazAqparat - Qazaqstannyń 2050 jylǵa deıin álemniń eń damyǵan 30 eliniń qataryna ený múmkindigi asa zor. Búgin elimizde ótip jatqan kezekten tys Prezıdent saılaýyna oraı ótken baspasóz máslıhatynda Eýropa Parlamentiniń Ortalyq Azııa boıynsha delegatsııa basshysy, Latvııanyń Eýropa Parlamentindegi depýtaty Iveta Grıgýle osylaı málimdedi.
«Eldiń damýy men nyǵaıýyna jıyrma jyldan sál asatyn kezeń ishinde qol jetkizý - bul sonshalyqty kóp ýaqyt emes. Batys Eýropadaǵy demokratııanyń ózi júzdegen jyldar boıy damyp keledi. Osy turǵydan alǵanda, Qazaqstannyń 20 jyl ishindegi jetistikteri - bul shynymen tańdanarlyq jaıt», - dedi I.Grıgýle. Sonymen qatar, Eýropalyq Parlament depýtaty osydan 20 jyl burynǵy Qazaqstan men búgingi Qazaqstandy salystyra otyryp, kóptegen salalarda ilgerileýshiliktiń bar ekenin málimdedi.
«Men Qazaqstan Úkimeti mejelengen 2050 jylǵa deıin álemniń damyǵan 30 eliniń qataryna ený týraly josparynyń oryndalatynyna ábden senemin. Sizder buǵan qol jetkize alasyzdar. Óıtkeni, sizder kórsetip jatqan ekonomıkanyń ǵana emes qoǵamnyń da damý qarqyny -shynymen tańǵaldyrady», - dedi ol.
