Qazaqstannyń álemdik azyq-túlik habynyń birine aınalýyna múmkindigi bar - Asqar Mamın
«Birikken Ulttar Uıymynyń janyndaǵy Azyq-túlik jáne aýyl sharýashylyǵy uıymy – FAO boljamy boıynsha Qazaqstan agroónerkásiptik keshen salasyndaǵy áleýeti joǵary AQSh, Avstralııa, Brazılııa jáne Argentına memleketteriniń qatarynda jáne álemdik azyq-túlik habyna aınalýyna naqty múmkindigi bar. Bul oryndalatyn mindet ekenin atap ótemin», - dep toqtaldy A. Mamın.
Sonymen qatar ol bıyl jaqsy ónim alýǵa aýa raıy qolaıly bolady degen boljam bar ekenin jetkizdi.
«Degenmen ónimniń jaqsy shyǵýyna agrotehnologııalardyń saqtalýy, sapaly tuqym men tyńaıtqyshtardy paıdalaný, ósimdikterdi qorǵaý quraldaryn qoldaný áser etedi. Óńirlerde tyńaıtqyshtardy paıdalaný kólemi belgilengen talaptarǵa sáıkes bolýy tıis. Bul baǵytta memleket aıtarlyqtaı qoldaý kórsetip otyr. Tyǵaıtqyshtar men pestıtsıdterdi alýǵa jumsalatyn shyǵynnyń 50 paıyzyna deıin sýbsıdııa beredi», - dedi Premer-Mınıstr.
Osy oraıda, ol óńirler ákimderine egin egý jumysyn sapaly oryndap, tyńaıtqyshtar men pestıtsıdterdi paıdalaný kólemin ǵylymı negizdelgen normalar boıynsha ulǵaıtýdy tapsyrdy.
«Ulttyq ekonomıka mınıstrligine Ulttyq bankpen jáne Aýyl sharýashylyǵy mınıstrligimen birge egis alqaptaryn hımııalyq óńdeý men egin jınaý jumystaryna qatysty sharalardy qarjylandyrýdy qosyp, Qarapaıym zattar ekonomıkasy baǵdarlamasynyń aıasynda qarajatty paıdalanýdyń nysynaly maqsatyn keńeıtý máselesin pysyqtaýdy tapsyramyn», - dedi Úkimet basshysy.
