Qazaqstannyń álemdik azyq-túlik habtarynyń biri bolýyna múmkindigi bar – Mamın
«Óndiriste klasterlik damytýdy, shaǵyn óndirýshiler men óndirýshilerdi aýyl sharýashylyǵy kooperatıvterine biriktirýdi yntalandyrý arqyly óńdelgen aýyl sharýashylyǵy ónimderiniń kólemin ulǵaıtý kerek. Bul jobalardy iske asyrý eń aldymen, eldiń azyq-túlik qaýipsizdigin qamtamasyz etýge baǵyttalǵan. Jalpy 2023 jyldyń sońyna deıin barlyq negizgi azyq-túlik ónimderi boıynsha ımportqa táýeldilikti alyp tastaý qajet», - dedi Úkimet basshysy.
Asqar Mamın ishki naryq qamtamasyz etilgennen keıin ónim túrleri men onyń taralý geografııasyn keńeıtý arqyly eksport kólemin ulǵaıtý mańyzdy ekendigin aıtty.
«Sonymen qatar saqtaý jáne logıstıka ınfraqurylymyna qoljetimdilikti qamtamasyz etý qajet. Sebebi taýardyń ózindik qunynda olardyń úlesi basym. Álemdik naryqta azyq-túlik taýarlaryna suranystyń artqanyn eskere otyryp, elimizdiń álemdik azyq-túlik habtarynyń biri bolýyna múmkindigi bar», - dedi Premer-Mınıstr.
