Qazaqstannyń aldaǵy kezeńderde Sizdiń basshylyǵyńyzben gúldený jolyndaǵy nyq qadamdaryn odan ári jalǵastyra túsetinine tolyq senimdimin - Redjep Taııp Erdoǵan
ASTANA. 5 sáýir. QazAqparat. Memleket basshysy Nursultan Nazarbaevty prezıdenttik saılaýdaǵy jarqyn jeńisimen Túrkııa Respýblıkasynyń Premer-Mınıstri Redjep Taııp Erdoǵan quttyqtady,
dep habarlaıdy QR Prezıdentiniń baspasóz qyzmeti.
Jedelhat mátininde bylaı delingen:
Joǵary Mártebeli,
Saılaýdyń nátıjesi Qazaqstan halqynyń Sizdiń osy kúnge deıin ustanǵan saıası jáne áleýmettik baǵyt-baǵdaryńyzdy qoldaıtynyn aıqyndaıtyn mańyzdy kórsetkishi ekeni daýsyz. Qazaqstannyń aldaǵy kezeńderde Sizdiń basshylyǵyńyzben gúldený jolyndaǵy nyq qadamdaryn odan ári jalǵastyra túsetinine tolyq senimdimin.
Elderimiz arasyndaǵy baýyrlastyq sezimder men ortaq til, mádenıet jáne tarıhı baılanystardan kúsh alatyn myzǵymas qarym-qatynastar men yntymaqtastyq halyqtarymyzdyń múddesi úshin arta túsedi jáne óńirimizdegi beıbitshilik pen turaqtylyqqa qyzmet etedi degen senimderdi osy oraıda taǵy da bir ret qýattaǵym keledi.
Túrkııa Respýblıkasynyń Premer-Mınıstri
Redjep Taııp Erdoǵan
Ankara, 2011 jylǵy 4 sáýir
