Qazaqstannyń AQSh-taǵy Elshisi Astana jáne Qazaqstan mıtropolıti Aleksandrmen kezdesti
VAShINGTON-ASTANA. 18 jeltoqsan. QazAqparat - Qazaqstannyń AQSh-taǵy elshisi Erlan Ydyrysov 13 jeltoqsanda Orys pravoslav shirkeýiniń Qazaqstan Respýblıkasyndaǵy mıtropolıttik okrýginiń basshysy Astana jáne Qazaqstan mıtropolıti Aleksandrdy qabyldady.
Mıtropolıt Aleksandr AQSh-taǵy patrıarh prıhodtarynyń basqarýshysy arhıeopıskop ıÝstınıan Naro-Fomınskııdiń shaqyrýy boıynsha Qurama Shtattarda resmı saparmen júrgen bolatyn, dep habarlady Qazaqstan Elshiliginiń baspasóz qyzmetinen.
E.Ydyrysov mıtropolıtpen bolǵan áńgime barysynda Orys pravoslav shirkeýiniń Qazaqstandaǵy jáne AQSh-taǵy jaǵdaıyn jáne damý perspektıvasyn talqylady.
Mıtropolıt Aleksandr óz sózinde, Qazaqstannyń dinaralyq toleranttylyqty ári qaraı damytý salasyndaǵy saıasaty jaqsy nátıjeler berip otyrǵanyn atap kórsetti. Arhıpastyrdyń pikirinshe, Qazaqstan halqy Assambleıasy konfessııaaralyq qatynastarda ózara qurmet pen tózýshilikti qamtamasyz etýdiń biregeı jáne tıimdi tetigi bolyp tabylady.
