Qazaqstannyń aktsııalar naryǵy qyrkúıekte jandandy
ASTANA. 4 qazan. QazAqparat - «Qazaqstan qor bırjasynda» (KASE) aktsııalarmen saýda-sattyq kólemi qyrkúıekte, onyń aldyndaǵy aıǵa qaraǵanda, 72%-ǵa ósip, 3,7 mlrd teńge boldy. Alaıda, aǵymdaǵy jyldyń úsh toqsany ishinde isker qaǵazdardyń saýda-sattyq kólemi 2012 jyldyń uqsas kezeńimen salystyrǵanda 63,7%-ǵa tómendep, 56,6 mlrd teńgeni qurady, dep habarlady «Halyqtyq IPO» memlekettik baǵdarlamasynyń saıty.
Bırja jarııalaǵan statıstıkaǵa sáıkes, qańtar-qyrkúıek aılary aralyǵynda saýda-sattyqtyń barlyq sektorlarynda 11,2%-dyq ósim tirkeldi, onyń mólsheri - 21,956 trln teńge boldy. Saýda-sattyqtyń eń úlken úlesi, ıaǵnı 56,4% sheteldik valıýtalarǵa tıesili. Segment 52%-ǵa nemese 12,386 trln teńgege deıin artty.
Memlekettik baǵaly qaǵazdar saýda-sattyǵynyń kólemi - 16,7%-ǵa nemese 706,1 mlrd teńgege deıin qysqardy, al korporatıvtik oblıgatsııalar boıynsha, kerisinshe, 22,1%-ǵa nemese 278,1 mlrd teńgege deıin ósti, delingen habarlamada.
