Qazaqstannyń aǵymdaǵy jyldyń 6 aıy ishindegi JІÓ ósimi 3,9 paıyzdy qurady
ASTANA. QazAqparat - Qazaqstannyń aǵymdaǵy jyldyń 6 aıy ishindegi JІÓ ósimi 3,9 paıyzdy qurady. Bul týraly búgin Elbasy Nursultan Nazarbaevtyń tóraǵalyǵymen Aqordada ótken Úkimettiń keńeıtilgen otyrysynda QR Ulttyq ekonomıka mınıstri Erbolat Dosaev málim etti.
«Aǵymdaǵy jyly álemdik ekonomıkanyń damýy birkelki bolmady, Qazaqstan ekonomıkasy osy jaǵdaıda damydy. Bir jaǵynan, aǵymdaǵy jyldyń birinshi toqsanynda Eýroodaq ekonomıkasynyń 1,4 paıyzǵa ósýi aıasynda damyǵan elderde ekonomıkalyq belsendilik baıqaldy»,- dedi ol.
Mınıstrdiń aıtýynsha, ekinshi jaǵynan, Ýkraınada jalǵasyp jatqan daǵdarys pen birinshi jartyjyldyqtyń qorytyndylary boıynsha Reseı ekonomıkasyndaǵy ósimniń 1 paıyzǵa deıin baıaýlaýy qazaqstandyq ónimderge degen suranysqa teris yqpalyn tıgizýde. Máselen, aǵymdaǵy jyldyń qańtar-mamyr aılarynda taýarlardy Reseıge eksporttaý 21,7 jáne Ýkraınaǵa eksporttaý 31,1 paıyzǵa tómendedi.
«Bul aıada Qazaqstannyń aǵymdaǵy jyldyń 6 aıy ishindegi JІÓ ósim 3,9 paıyzdy qurady», - dedi E.Dosaev.
