Qazaqstannyń agroónerkásip keshenin damytý máselelerine arnalǵan konferentsııa bastaldy
ASTANA. 17 mamyr. QazAqparat - Búgin Astanadaǵy S. Seıfýllın atyndaǵy Qazaq agrotehnıkalyq ýnıversıtetinde «Jahandaný jaǵdaıynda Qazaqstannyń agroónerkásip keshenin ekonomıkalyq damytýdyń ózekti máseleleri» atty taqyrypta ǵylymı-tájirıbelik konferentsııa óz jumysyn bastady.
Sharaǵa Qazaqstan, Reseı, Belarýs jáne Qyrǵyzstan elinen kelgen 200-ge tarta ǵalymdar, oqytýshylar men magıstranttar, stýdentter qatysýda. Konferentsııa barysynda Qazaqstannyń agroónerkásip kesheniniń kóptegen ekonomıkalyq máseleleri jaıynda sóz bolyp, DSU-ǵa kirý men Keden odaǵy jaǵdaıynda aýyl sharýashylyǵy salasyn damytý problemalary talqylanbaq. Elimizdiń azyq-túlik qaýpsizdigi sekildi mańyzdy máseleler jaıynda pikir almasý da kózdeledi.
Konferentsııa eki negizgi sektsııa boıynsha jumysyn jandandyratyn bolady. Onyń biri ekonomıkanyń ornyqty damýynyń kilti retindegi Qazaqstannyń ınnovatsııalyq jańǵyrý taqyrybyn qamtıdy. Ekinshi sektsııa ornyqty ósimdi qamtamasyz etýdegi qarjylyq-nesıelik problemalarǵa arnalyp otyr. Shara aıasynda qazaqstandyq jáne sheteldik ǵalymdardyń baıandamalary tyńdalyp, talqylanatyny kózdelgen.
